9月快訊

8月30日 - 好人？

8月份的班已經順利完結，由於先前動漫節推廣的關係，這個月份我們都忙得不可開交。

見過咁多學生，來自各行各業，真係咩階層都有。但我地發現到大家都有一個共通點，就係 - 做好人。所謂好人，唔係見到啊婆仆親即刻幫果d，而係事事都想女人滿意咁解。

可以同大家分享o既係，我地有一位學生，未夠30歲，係某大銀行o既中層，做副總裁(編按：其實我唔明銀行點解會有幾十百個副總裁，如有讀者知道，請告知)，佢無錯係識好多女人，質素都唔錯，但唔知點解，無一個人會做佢女朋友。

唔識佢o既，就會以為佢高薪厚職，年輕有為，左右逢源好正常，仲好羨慕佢，但事實卻係，全部高質靚女，都只係普通朋友，想繼續發展嗎？「抱歉，我們還是當朋友好了。」 - 點 到 即 止。真係有苦自己知也。

佢每識一個女仔，而人地又不介意同佢食o下飯o既時候，佢就會自己自動波「諗太多」，即係有非分之想。男人有非分之想好正常，但前題係唔可以比個女人知！

結果，佢用o左銀彈攻勢，不斷管接管送，送禮物，請食貴野。唉，佢開頭仲以為自己好醒，但到後來，只係換來一大班呃飲呃食o既「女性朋友」。好彩經過4堂o既洗禮，佢終於開o左竅。

佢明白自己已經事實上有賣點，根本唔需要做到咁Cheap，更何況係女多男少o既香港？到o左而家，用o左的我地o既方法，聽o左我地o既意見，佢已經開始踏上「壞人」之路，我們先在此祝他戰無不勝，將來會否持之有恆，還有待他日後的造化。

P.S 我們收到很多先前在8月已經報名，而因額滿又未有班上的學生查詢。各位請放心，係我o地分配好各班時間之後，就會個別通知大家。

另，由於我們剛剛又有新一輪的推廣，招收了不少新學生。但不斷都有學生反映，時間上未必能配合，所以需要再作安排。故此，這個9月將會採用「小班政策」，5人一班，這樣，就能確保所有人都能在適合時間出席，很貼心吧？

女神？

首先同大家報告我地o既近況先。
　
我地係今年o既動漫節做左一D宣傳，估唔到效果非常好，臨時加開的三班亦已全部爆滿，即8月的課程，已經全部滿哂額。如果你已經報左名，比哂錢，但又未收到我地通知，就代表我地已經收你編左去9月既第一班，而稍後時間亦會有專人個別通知。
　
有人話動漫節係電車男一年一度既大喜日子，哩個我唔否認亦唔反對。原因係，每個人都有不同喜好，我地唔可以咁武斷話所有鐘意「動漫」o既人，都一定係電車男。
　
就正如我曾經遇過一個女人，佢成日同我出街都著到好性感，當年無經驗o既我仲以為佢好開放，好易上手，但後來先知，佢原來係處女。哩個故事教訓o左我，做人千祈唔好有假設，哩個得著，唔多唔少對我做人做事都有D幫助。
　
但我唔反對既原因係，真係有好多人經動漫節而報名，亦眼見有好多人有齊電車男o既基本條件。其中就有好多後生仔話比我地聽，佢想溝model。唔係話唔得o既，但要逐步逐步黎囉！我地唔會吹水吹到自己，你一上我地課程就可以立刻成功溝model，如果有人同你講100%成功，你要小心，講果個人可能仲係個處男。
　
坦白講，有唔少o靚模我地都識o左幾年，見到昔日吸煙隊酒晚晚一齊浦天光o既女仔而家企係個台到俾D「龍友」影相，感覺總係覺得有D怪。亦都不禁問，究竟佢地有咩咁特別？
　
我發覺我地Why Not o既導師都有一個通病，就係唔會因女人o既美色而感到驚訝，繼而想溝佢。但你要達到「人見人愛」既標準，就一定會犧牲哩種「鑑賞能力」。其實更靚更索o既女人，都係女人一個，一樣會食飯肚痛痾屎痾尿，不過，好似好多人都唔明白哩個道理。
　
如果你睇緊哩篇文章，問下自己：當你搭電梯果陣，發現入面有一個絕色美女，果陣你會唔會怕羞？你會唔會即刻扮見佢唔到，然後搵機會偷望佢？你會唔會想識佢，又唔知講咩好？如果你有哩d特質，即係代表你對女人仲未夠班。
　
無論你會唔會幫襯我地都好，我地都只係想你明白一個簡單道理：任何女人，都只係一個女人。無論佢o係女仔、女人、有錢女，富婆定女神，佢都只係一個女人，只要用岩方法，策略用得好，無咩女人係溝唔到。
　
各位8月份的新學員，我們了解你的問題，看到這裡，你會有所啟發嗎？Are you ready？