2009年8月30日 星期日
9月快訊
2009年8月4日 星期二
女神?
首先同大家報告我地o既近況先。
我地係今年o既動漫節做左一D宣傳,估唔到效果非常好,臨時加開的三班亦已全部爆滿,即8月的課程,已經全部滿哂額。如果你已經報左名,比哂錢,但又未收到我地通知,就代表我地已經收你編左去9月既第一班,而稍後時間亦會有專人個別通知。
有人話動漫節係電車男一年一度既大喜日子,哩個我唔否認亦唔反對。原因係,每個人都有不同喜好,我地唔可以咁武斷話所有鐘意「動漫」o既人,都一定係電車男。
就正如我曾經遇過一個女人,佢成日同我出街都著到好性感,當年無經驗o既我仲以為佢好開放,好易上手,但後來先知,佢原來係處女。哩個故事教訓o左我,做人千祈唔好有假設,哩個得著,唔多唔少對我做人做事都有D幫助。
但我唔反對既原因係,真係有好多人經動漫節而報名,亦眼見有好多人有齊電車男o既基本條件。其中就有好多後生仔話比我地聽,佢想溝model。唔係話唔得o既,但要逐步逐步黎囉!我地唔會吹水吹到自己,你一上我地課程就可以立刻成功溝model,如果有人同你講100%成功,你要小心,講果個人可能仲係個處男。
坦白講,有唔少o靚模我地都識o左幾年,見到昔日吸煙隊酒晚晚一齊浦天光o既女仔而家企係個台到俾D「龍友」影相,感覺總係覺得有D怪。亦都不禁問,究竟佢地有咩咁特別?
我發覺我地Why Not o既導師都有一個通病,就係唔會因女人o既美色而感到驚訝,繼而想溝佢。但你要達到「人見人愛」既標準,就一定會犧牲哩種「鑑賞能力」。其實更靚更索o既女人,都係女人一個,一樣會食飯肚痛痾屎痾尿,不過,好似好多人都唔明白哩個道理。
如果你睇緊哩篇文章,問下自己:當你搭電梯果陣,發現入面有一個絕色美女,果陣你會唔會怕羞?你會唔會即刻扮見佢唔到,然後搵機會偷望佢?你會唔會想識佢,又唔知講咩好?如果你有哩d特質,即係代表你對女人仲未夠班。
無論你會唔會幫襯我地都好,我地都只係想你明白一個簡單道理:任何女人,都只係一個女人。無論佢o係女仔、女人、有錢女,富婆定女神,佢都只係一個女人,只要用岩方法,策略用得好,無咩女人係溝唔到。
各位8月份的新學員,我們了解你的問題,看到這裡,你會有所啟發嗎?Are you ready?
2009年7月31日 星期五
大陸女人
最近又有調查公佈香港男女比例失衡,100個港男,就有129個同齡港女。對一眾男士來說,應該係佳音,但點解仲有咁多男人話自己溝唔到女?而我地呢D公司仲生存到呢?
我年中都見唔少人,發覺港男最大問題都係唔夠自信,怕怕羞羞,壓唔住港女個度「勢」,之後就比人食住,久而久之,佢地對住港女仲點會有自信?為免唔再比自己受到傷害,佢地只會變成兩種男人,一係扮Cool,一係就好怕羞,十問九唔應,唔再理班港女。
於是,就愈黎愈多港男北上尋妻!佢地覺得,大陸女人順得人意,又聽教聽話,可以搵番男性自尊咁話。不過,我今日就要以我第一身o既經歷,同大家拆穿大陸女人o既假面具,將佢地真面目話俾各位聽!
話說係2年前,我經朋友識左個大陸女仔,22歲,173cm高,長頭髮,隻眼唔算太大但亦唔係細,幾有女人味,無論打扮同講野都比我感覺幾純,雖然唔係我個人最鐘意果類型,但當時為左練習普通話,我自然要出手溝佢啦。
後來佢黎左香港玩,咁岩佢係香港D朋友無人得閒陪佢,結果我就約佢出黎,用番我對付港女既慣常手法(詳見3合1課程)。果陣我仲以為自己好醒,拖住個索女由尖嘴玩到銅鑼灣,再到中環,點知咁就中招!
我中咩招?就係中左「反AA制」,即係幫佢比哂錢!坦白講,錢真係唔多,我亦都唔會小家成咁同佢計,不過,如果請食飯、請食甜品、請睇戲、請搭車,做司機,然後一句唔該/多謝都無,又係咪值得火滾呢?
我仲記得,佢當時只係用左幾句就收左我皮:「我沒有港幣啊;銅鑼灣換錢很不化算啊;這次來香港我帶不夠錢啊。」好多港男都話港女最鐘意痴飲痴食,但佢地禮貌上點都會講番句多謝,相反,哩個大陸妹一句都無講,仲好似應份咁!
後來我送佢番酒店果陣,我同佢講話我覺得自己好好人,陪左佢成日,點知佢答我:「我都陪左你成日啦!」那時我除左憤怒,就真係唔知講咩好。果次係我失戀復出後,所受到既第一次挫敗!雖然唔係D咩,但我條氣唔順囉!如果同佢長遠發展,我不敢想像!
後來我做過市場調查,發覺好多大陸女人初時都係對港男千依百順,但到一齊左之後,就露出真面目 - 陰乾你!
佢地謀你o既,可以係幾千蚊、可以係你成副身家、可以係你層樓、可以係你個人、又可以係你個心,或者可以係一張身份證,都可以係一種報仇心理 - 破壞你家庭!有咩後果則視乎你個人際遇,你都唔好話唔驚!
可能我咁講係偏激左少少,亦唔敢講話大陸無好女人,但以我觀察,大多數都係咁,可能佢地覺得香港男人有錢,通常一齊或結婚之後,都會變得懶,由拍拖到做愛、由做家務到照顧老人家,佢地都可以好懶,好奇怪。
後來我發現此風不可長,覺得無理港男係香港搵唔到食,番到大陸都要俾人烚架?於是我特登花3個月不斷結識大陸女仔,由Top Model到普通OL都有,發現大陸女人都有一種共通點 - 老襯頭,鱷魚底!
於是,我日夜研究做筆記,不斷實戰,最後研究左一種與大陸女人周旋o既手法,可以係完全搵唔到你著數之餘,你仲可以食住佢,將佢變成純情小貓一隻!我唔敢講話個個都受哩套,但就算佢唔Buy,起碼而家我都可以全身而退!不過哩種手法比較複雜,涉及好多手段同包裝技巧,一唔小心,就會後患無窮!所以係中級班我地先會教。
我唔怕同大家分享我既挫折,都係希望大家唔要走我回頭路!最後,我奉勸各位朋友,玩大陸女人,真係要小心,小心!
2009年7月19日 星期日
上堂的目的
2009年7月16日 星期四
畢業生見證
以下是畢業生發給我們的電郵,
這是得到學生同意才公開的。
個案一:
Dear Mr. Fab & Cupid ,
我係上期5月既學生,全班最肥,帶眼鏡果個,你應該有印象。
完咗課程咁耐,都係今次係第一次email比你地。話時話,老實講丫,我初時睇到你地ge課程真係以為你地搵笨,心諗:你班友收幾舊水教我溝女?? (唔好介意),但見學費自己又唔係多,自己又唔係比唔起,心郁郁好奇之下就報左名。
不過我唔係一個好學生,你地教果d搭訕技巧,真心話,我學完都無真係日日走去試,不過,由於我正職係Salesman,我發覺你地d搭訕小技倆,竟然對我做野有幫助@!
例如最近我成日要對住一d大過我ge女人,你知佢地title有番咁上下,個樣又惡,我一向都幾怕應付,因為往往最後要受佢地氣之餘又做唔到生意,簡直係哂時間!但自從我明白咩叫「框架」之後,我就用咗你地教ge古惑招對付班客,就算有時唔成功,都未至於要下下睇佢地面色。
到咗今日,我唔敢講話而家一定可以個個人都成功做到生意,但對比起之前,真係好咗好多,尋日有個我做到佢生意之餘,仲做埋朋友,佢仲話會介紹多d客比我,le個係我真係估唔到!! 哈哈哈哈哈哈哈哈!!! 所以忍唔住都要send個email分享下~你地話唔鐘意人多謝,所以我都費時客氣啦,但點都好啦,下次進階班我一定會報名!!
Fab 回應:
多謝你的分享,但我想說的是,不要因為拿到少少甜頭就沾沾自喜,這個絕對是大忌!
你說女人會介紹客給你,這個可以是事實,也可以是吹水,一旦你太認真,你先前所建立的框架就會被擊破!同樣道理,有很多學生都告訴我,他們原本跟那個女生好好的,誰不知翌日再找她,她卻突然像變了另一個人一樣。
所以,在9月的進階班中,我會教你們如何無聲無色強化框架之餘,又能令她所說的變成事實!從此以後,你會發覺女人的善變原來是可以預測及由你控制!
個案二:
我係你地上一期6月既學生, 但說來慚愧, 我最近先溝到我第一個女朋友….
佢係我F.7既同學, 雖然佢未算係校花, 但因為佢都幾多人追, 所以之前係學校我一直都唔多主動聯絡佢, 因為我怕比d同學笑. 直到最近放咗榜, 我就搵機會約佢出黎, 我用咗你地教既「快速勾引法」, 講咗幾次電話, 約咗佢3次, 終於比我追到手!! 佢後來仲話之前一直見我怕怕羞羞, 估唔到原來我咁搞笑!!
不過, 我當然無同佢講我係你地學生啦…
Fab回應:
呵呵,幸好幸好,你F.7才交第一個女朋友,還不算太遲,不過,我看你到了破處之日,再來跟我們分享吧!
但我覺得你要注意的是,技巧是一時的,你的內在是甚麼才會影響一生。我明白第一次拍拖必你定覺得很快樂,但我勸你還是不要那麼投入,你要懂得抽離,並每天找些時間,用我們教的快速增加內涵法增值自己。你可能會突然覺得我很婆媽,但我也是過來人,我不想你被人反客為主而已!祝你好運!
2009年7月15日 星期三
你溝唔到女?
你曾暗戀過一個女生,但到最後只能夠遠遠看著,她跟另一個男人在一起?
或者,你與情人分手,並飢渴了很久?你想溝model,但不得其所?
引起這種種問題的原因,就是因為你用錯了方法!
你要變得吸引,令女人對你愛不惜手,不只要在外表下工夫,更要成為一個由內到外,都充滿魅力的人。
你要廣受異性歡迎,是一條永久的道路,一旦你上了這條高速公路,就可以永遠享受直行在這條道路上的快感。
與其閉門造車,日日幻想,倒不如坐言起行,趕上這條高速公路。
有人話睇書,跟身邊朋友討論,便可以自我改造,溝女成功,但知易行難,
到實踐時候,往往又是另一件事,世上柴娃娃者多,真知灼見者少。
就算我給你一本天書,看完後,你會明白嗎?
明白後,你又會記得嗎?
記得了,又能夠運用到嗎?
一篇篇的文字教學,恐難掌握精要,你看再多書,跟朋友吹水再多,都不會幫你走出「無人要」的困局。
你想改變嗎?你想要受人歡迎嗎?你想女神做你的女朋友嗎?
我們就是你最好的教練,最後的答案。
創辦人的話
我原本不想搞這間公司。
其實,我以為我絕對不會搞這間公司。
因為我覺得自己好燸。
點解?
相對一般人而言,我想我是比較早熟。
我由 6 歲開始,就已經久不久偷睇老豆房的咸書。
我想主要原因是好奇,或彌補內心的空虛。
由發育開始到可以取得成人身份証那段時間,
我感到非常寂寞、失落,覺得人生毫無希望。
我更曾經一度以為打飛機打得多,會令我唔識再增高。
我在求學時期十分怕醜,亦知道自己一點魅力都沒有。
雖然我後來生得不矮,但我是一個肥仔,
結果,身高反而令我肥胖的身形更加引人注目,
女同學更以「漲爆」來形容我。
是的,我都記得很清楚。
我眼白白看著一些我無法認同的x樣,跟我暗戀的對象拍拖,
而我,只能遠遠望著他們發呆。
在一些團體活動裡,我通常會是最安靜的一個,
我發覺站在一角看這些人,比當主角受人注目舒服多了。
我不習慣被人評頭品足,我喜歡隱藏自己,
瑟縮一角,靜靜地看這個世界。
無論在學校或是走在街上,當跟人有眼神接觸時,
我都只會立刻低著頭,扮諗野。
我倒不是真的害怕跟人接觸或說話,我只是擔心別人怎樣看我,
當他們的注意力放在我身上時,我會有一種打從心底發出的緊張,
為了避免這種情況發生,我情願安坐電腦面前暢所欲言,
甚麼都好像來得比較痛快,安全。
經過數年的毒男時期,我跌入不能自拔的深淵。
那時我開始上交友網,尋找女朋友,
嘗試做身邊女人口中的好人,
學習與她們相處,
盡量令她們對我不會反感。
但她們始終跟我保持距離。
後來我終於交到第一個女朋友了,
但短暫快樂過後,
原來是長期的痛苦,
那種刻骨的痛楚,
我到今天還記得
我再度陷入極度自閉的黑暗裡,
我以為我這一生是玩完了。
直至有一天,友人借了一本書給我,
書名是《如何讓女人愛死你》(How Can A woman To love you Deeply),
我在細閱後,感到十分驚訝,原來鑰匙一直在我身上,
只是我沒有發現而已,一切問題,
都是出於自己不肯改變,亦不知道怎麼改變!
不過,由於這本書源於台灣,
在幾經嘗試後,才發現當中有許多東西,
在香港是唔Work的。
我也曾經熱衷於一本名叫《把妹達人》(The Game)的書,
試著它的方法,
拜訪不同的名師高手,
開始脫離毒男時期。
不過,我從不覺得自己是Pick-Up Artist(把妹達人) ,
因我認為不斷經快速引誘,繼而上床,然後ByeBye的行為,
令我比年少時更加空虛,也變得不相信愛情。
於是,經過不斷的Fine-Tuning(微調),我得出一些自我改造的心得。
我由三年前不敢正眼望女人,到現在(09年3月)大約交了60多個女朋友。
這個數目,你可能覺得我還未夠班教人,
但我不會為了譁眾取寵而報大數,也沒有這個必要。
作為一個男人,我必須對自己誠實,我是一路從地獄走回來的。
在這些年裡,我以自己的經歷,幫助過身邊無數的朋友。
這些人有自閉的電車男、有正從失戀中康復的年青人,
也有剛離婚的生意人,甚至有被男人拋棄,急於報仇的女人。
雖然我當時只一心打算賺外快,但我還是成功令他們改變自己。
眼見身邊愈來愈多朋友求助於我,機不可失
於是,我便邀請了身邊一些可能比我更強的高手,
一起成立這間形象設計顧問公司。
我們謝絕所有不願改變或懶惰的人來上課,我們都認為,
無謂浪費大家時間,而這班人亦只會整臭我們個「朵」。
我們的課程並沒有甚麼驚為天人的方法、理論或系統,
只是一些最快、最有效的東西,
並把事實的真相,赤裸裸的告訴你,
讓你看清情場上的遊戲規則,繼而徹底改變自己。
一旦你選擇了這條路,
你就要作出犧牲,
可能永遠再不能做電車男。
所以你們現在就要面臨一個很關鍵性的抉擇:
你要永遠做電車男,抑或要成為我們的一份子?